سەرچاوەیەکی ئاگادار ئاشكرایدەکات، لەو کاتەی بافڵ جەلال تاڵەبانی، سەرۆکی یەکێتیی نیشتمانیی کوردستان سەرقاڵی کۆبوونەوە، پرسی مووچە و پێکهێنانی حکومەت بوو، پلانێک داڕێژراوە کە ئەو جووڵانەی بوەستێندرێت.
ئاماژەی بەوەشکرد، لە سەرەتای ئەمساڵەوە، هێزەکەی لالەزار بە ئاگاداریی ئەژی ئەمین و بەرپرسانی پارتی، پلانی هەبووە لەناو شاری سلێمانی، بافڵ جەلال تاڵەبانی تیرۆربکەن و دواتر هێز بەناو سلێمانی، هەڵەبجە و ئیدارەکانی راپەڕین و گەرمیان بڵاوبکەنەوە.
دەشڵێت، بەشێک لە ئامادەکارییەکان لە دەرەوەی سنووری سلێمانی کاریان بۆ کراوە و سەدان چەکدار، بەبێ ئاگاداریی خێزانەکانیان لە هەولێرەوە هێنراون بۆ سلێمانی.
