روانگەی ئابووریی عێراق رایدەگەیەنێت، دوای کەمبوونەوەی بەرهەمهێنانی نەوت بۆ 81 هەزار بەرمیلی رۆژانە، بەرهەمهێنانی نەوت لە هەرێم بەرەو ئاسایبوونەوە دەڕوات و بۆ 120 هەزار بەرمیلی رۆژانە بەرزبووەتەوە.
روانگەی ئابوریی عێراق لە راپۆرتێکدا بڵاویکردەوە، لەدوای ئەوەی بەهۆی هێرشە درۆنییەکانەوە بەرهەمهێنانی نەوت بۆ 81 هەزار بەرمیل نەوتی رۆژانە لە هەرێم کەمبووەوە، لە ئێستادا دۆخەکە بەرەو ئاساییبوونەوە رۆیشتووە و بەرهەمهێنان گەیشتووەتە 120 هەزار بەرمیلی رۆژانە.
ئاشکراشیکرد، پێشبینیدەکرێت تا کۆتایی مانگی ئابی ئەمساڵ بەرهەمهێنانی نەوت بۆ 280 هەزار بەرمیل نەوتی رۆژانە بەرزبێتەوە.
جەختیشیکردەوە، تا ئێستا هیچ وادەیەک بۆ هەناردەکردنی نەوتی هەرێم لە رێگای بۆرییەوە دیاریینەکراوە و هیچ رێککەوتنێک لەوبارەیەوە نەکراوە.
