كەشناسی هەرێم بڕی بارانی 12 كاتژمێری ڕابردووی بڵاوكردەوە و دەشڵێت، درەنگانى شەو و بەرەبەیان بارانی بەهێز لە هەندێك ناوچەی هەرێم دەستپێدەكات.
بەڕێوەبەرایەتی گشتی كەشناسی و بومەلەرزەزانی هەرێم ئەمڕۆ سێشەممە 15ی كانونی یەكەم رێژەی بارانی 12 كاتژمێری ڕابردووی هەندێك لە ناوچەكانی هەرێمی كوردستانی بڵاوكردەوە.
ئاشكراشیكرد، “لە زۆربەى ناوچەکانى هەرێم بارانبارین دەستیپێکردوە، پێشبینیش دەکرێت لە درەنگانى شەو و بەرەبەیانی سبەی ڕێژەیەکى زۆر باران ببارێ بەتایبەت لە ناوچەکانى ناوەڕاستى هەرێم”.
پێشتر بژار ئەكرەم، لێپرسراوی بەشی پێشبینی بەڕێوەبەرایەتی گشتیی كەشناسی بە تۆڕی میدیایی ئێستای وت، ناوچەکەمان دەکەوێتە ژێر کاریگەرى درێژبوونەوەى نزمە پاڵەپەستۆکان و بەهۆیەوە هەرێمى کوردستان دەکەوێتە ژێر شەپۆلێکى باران بارین.
وتیشی، ڕۆژى چوارشەممە کاریگەرى ئەم شەپۆلە بەردەوام چالاکتر دەبێت و لەکاتى باران هەندێ جار هەورە تریشقەش دەبێت، لەگەڵ نزمبوونەوەى پلەکانى گەرما بە نزیکەى (4-6) پلەى سیلیزى، ئێوارەی هەمان ڕۆژیش کاریگەرى شەپۆلەكە لاواز دەبێت و کۆتایى دێت.
بارانى 12 کاتژمێری ڕابردووى هەندێک لە ناوچەکانى هەرێم، بەپێی ڕاگەیەنراوی كەشناسی هەرێم:
هەولێر دڵۆپ دڵۆپ
پیرمام 2.3 ملم
چەمچەماڵ دڵۆپ دڵۆپ
دهۆک 12.8 ملم
زاخۆ 7.8 ملم
شەمامک 0.6 ملم
خەبات 5.6 ملم
دوکان 1.0 ملم
کەلار 1.2 ملم
بارزان 1.6 ملم
سۆران 0.2 ملم
کەرکوک 0.8 ملم
