داهاتی نەوتی عێراق بۆ مانگی شوبات بە رێژەی 7.92% بەراورد بە مانگی رابردوو کەمیکردووە و گەیشتووەتە 7.081 ملیار دۆلار.
بەپێی داتاکانی وەزارەتی نەوت، هەناردەی نەوتی عێراق بەبێ نەوتی هەرێمی کوردستان، لە مانگی شوباتدا بە رێژەی 8.88% کەمیکردووە بەشێوەیەکی مانگانە و گەیشتووەتە 92 ملیۆن و 255 هەزار بەرمیل، بەراورد بە مانگی یەکی ئەمساڵ کە هەناردەکردن 101 ملیۆن و 245 هەزار بەرمیل.
هەروەها کۆی داهاتی نەوتی مانگی شوبات بە رێژەی 7.92% کەمیکردووە و گەیشتووەتە 7.081 ملیار دۆلار لە مانگێکدا، بە بەراورد بە مانگی یەک کە داهاتەکەی 7.690 ملیار دۆلار بووە.
کۆی داهاتی نەوتی هەناردەکردنی نەوتی بەسرە لە رێگەی بەندەرەکانی باشوورەوە بە رێژەی 8.54% لە مانگێکدا کەمیکردووە و گەیشتووەتە 6.844 ملیار دۆلار، ئەمەش بەراورد بە مانگی یەک کە داهاتەکەی 7.483 ملیار دۆلار بووە.
هاوکات داهاتی هەناردەکردنی نەوتی خاوی کەرکوک لە رێگەی بەندەری جەیهانی تورکیاوە بە رێژەی 17.2%ی مانگانە زیادیکردووە و گەیشتووەتە 218 ملیۆن دۆلار، ئەمەش بەراورد بە مانگی یەک کە داهاتەکەی 186 ملیۆن دۆلار بووە.
دوێنێ چوارشەممە وەزارەتی نەوت کۆی گشتیی هەناردەکردنی نەوت و داهاتی بەدەستهاتووی مانگی شوباتی راگەیاند، ئاماژەی بەوەدا کە بڕی 92 ملیۆن و 255 هەزار و 610 بەرمیل بووە، داهاتەکەی 7.081 ملیار دۆلار بووە.
