بەپێی ئەو زانیارییانەی بە تۆڕی میدیایی ئێستا دراون، ئەمشەو لە شاری بەغداد كۆبوونەوەیەك بە ئامادەبوونی وەزیرە كوردەكان و سەرۆكی فراكسیۆنە كوردییەكانی نێو ئەنجومەنی نوێنەرانی عێراق بەڕێوەدەچێت.
هەر بەپێی زانیارییەكان، كۆبوونەوەكە بە ئامادەبوونی هەریەك لە خالید شوانی، وەزیری دادی عێراق، فواد حسێن وەزیری دەرەوەی عێراق، بەنگین رێكانی، وەزیری ئاوەدانكردنەوە و شاخەوان عەبدوڵا جێگری سەرۆكی ئەنجومەنی نوێنەرانی عێراق و سەرۆكی فراكسیۆنە كوردییەكانی نێو ئەنجومەنی نوێنەرانی عێراق بەڕێوەدەچێت.
ئاماژە بۆ ئەوەش كراوە، كۆبوونەوەكە بۆ گرتنەبەری رێوشوێنێكی بەپەلەیە بۆ چارەسەركردنی كێشەی مووچەی مووچەخۆرانی هەرێم كە پێشتر لیژنەیەكی وزاری پێكهێندراوە و سبەی دادگای فیدراڵیی عێراقیش بۆ هەمان مەبەست كۆدەبێتەوە.
