كەمێك بەر لە ئێستا فڕۆکە جەنگییەکانی تورکیا چەند جارێك ناوچەی برادۆستیان بۆردومانكرد.
پەیامنێری تۆڕی میدیایی ئێستا گواستییەوە، کەمێک لەمەوبەر فڕۆکە جەنگییەکانی تورکیا سنووری ناحیەی سیدەکان لە ناوچەی برادۆست-یان بۆردومانکرد.
وتیشی، فڕۆكە جەنگییەكانی توركیا چەند جارێك بە چڕی بۆردومانی چیای بۆلێ-یان كردووە، بەڵام تائێستا زیانەکان نەزانراون.
سوپای تورکیا بە بیانووی بوونی بنکە و بارەگاکانی پارتی کرێکارانی کوردستان (پەکەکە) بەردەوام ناوچەکە بۆردوماندەکات و زیانی گیانی و ماددی بە گوندنشینان گەیاندووە.
