کەشناسێک ئاشکرایدەکات، لە چەند رۆژی داهاتوودا شەپۆلێکی نوێی گەرما روو لە هەرێم دەکات و ماوەی چەند رۆژێک بەردەوام دەبێت.
سالار حاجی عەلی شارەزای کەشناسی رایگەیاند، “ئەو رەشەبایەی لە دوێنێوە هەرێمی کوردستانی گرتووەتەوە، لە سبەینێوە کاریگەرییەکەی کەمدەبێتەوە و بۆ رۆژانی داهاتووتر نامێنێت”.
ئاماژەی بەوەشکرد، لە رۆژی پێنجشەممەوە شەپۆلێکی نوێی گەرما روو لە عێراق و هەرێم دەکات و پلەی گەرمی بە شێوەی بەرچاو بەرزدەبێتەوە.
ئاشکراشیکرد، کاریگەریی شەپۆلەکە تا 15 ی ئەم مانگە بەردەوام دەبێت و دواتر لاوازدەبێت.
