سەرۆکی تیمی راگەیاندنی کۆمسیۆنی باڵای سەربەخۆی هەڵبژاردنەکان رەتیدەکاتەوە، هیچ لیستێکی دیکە وەربگرن.
عیماد جەمیل، سەرۆکی تیمی راگەیاندنی کۆمسیۆنی عێراق رایگەیاند، کۆمسیۆن پرۆسەی وەرگرتنی لیستی کاندیدەکانی تەواوکردووە و تاوەکو ئێستاش، هیچ بڕیارێک نییە بۆ کردنەوەی دەرگای تۆمارکردنی لیستەکان.
ئاماژەی بەوەشکرد، قسەکردن لەسەر کردنەوەی دەرگای تۆمارکردنی لیستەکان لەئێستادا بێبنەمایە، چونکە کۆمسیۆن بەپێی خشتەیەکی رێکخراو کاردەکات و خۆی بۆ هەڵبژاردن ئامادەدەکات.
ئەوەشی وت، ئێستا کۆمسیۆن گەیشتووەتە قۆناغی پشتڕاستکردنەوەی لیستی کاندیدەکان، ناردنیان بۆ لایەنە پەیوەندیدارەکان، پەسەندکردنی ئەو لیستانە و ئەنجامدانی تیروپشک بۆ دیاریکردنی ژمارە بۆ لیستەکان.
بەپێی بڕیاری ئەنجومەنی وەزیرانی عێراق، رۆژی 11ـی 11ـی 2025، هەڵبژاردنی ئەنجومەنی نوێنەرانی عێراق بەڕێوەدەچێت.
