د. موسەننا ئەمین، ئەندامی ئەنجومەنی نوێنەران لە لێدوانێكدا بە تۆڕی میدیایی ئێستای راگەیاند، عێراق مووچەی بۆ هەموو مانگێكی 2024 ناردووە و هەرێم دابەشی نەكردووە و ئێمە لە هەوڵی ئەوەداین كە دەرچەیەكی یاسایی بدۆزینەوە و حكومەتی عێراق و حكومەتی هەرێم پابەندبكرێن بە خەرجكردنی مووچەی فەرمانبەرانی هەرێم.
راشیگەیاند، سەرۆك وەزیرانی عێراق جەختیكردووەتەوە پارەی تەرخانكراوی بۆ مووچەی ناردووە و گرفتەكە لەوەدایە مووچەی مانگی 11ی ساڵی رابردوو لە ئێستادا دەدرێت و بە نیازە مووچەی مانگی 12ی ساڵی رابردوو لە مانگی 2دا دابەشبكات.
ئاماژەی بۆ ئەوەش كردووە، عێراق ساڵی دارایی داخستووە و پارە بۆ مووچە نێردراوە و هەرێم ئامادە نییە كورتهێنانەكەی پڕبكاتەوە”.
