سروە محەمەد، ئەندامی ئەنجومەنی نوێنەرانی عێراق رایدەگەیەنێت، کێشەی جووتیارانی باوەنوور و شێخ تەویل چارەسەربووە و ئەمڕۆ دەستدەکرێت بە دابەشکردنی پسوڵەکانیان.
سروە محەمەد لە لێدوانێکدا رایگەیاند، جووتیارانی باوەنوور و شێخ تەویل کێشەیان هەبوو لە بەغداد، بەهۆی ئەوەی بەشەکەیان کێشەی تێکەوتبوو و ئەمەش هەڵەی کۆمپیوتەری بوو.
وتیشی، جووتیار هەبوو 200 دۆنم زەویی هەبوو، یەک تۆن گەنمی بۆ هاتبووەوە و هەشبوو 20 دۆنم زەویی هەبوو، یەک تۆن گەنمی بۆ هاتبووەوە.
ئاماژەی بەوەشکرد، “لەڕێی وەزارەتی بازرگانیی عێراق و بەڕێوەبەرایەتیی گشتیی بازرگانیی دانەوێڵە، بە هاوکاریی بەڕێوەبەرایەتیی کشتوکاڵی گەرمیان، گفتوگۆمان کرد و لەئێستادا کێشەکەیان چارەسەربووە”.
ئەو ئەندامەی ئەنجومەنی نوێنەران دەشڵێت، بەغداد وەڵامی داواکارییەکانی داونەتەوە و ئێستا گەنمەکانی ئەو جووتیارانەش، هاوشێوەی جووتیارانی دیکە و بەپێی بڕی دۆنمەکەیان، وەردەگیرێت و ئەمڕۆ دەستدەکرێت بە دابەشکردنی پسوڵەکانیان.
