حاکم مونزیر ئیبراهیم سوێندی یاسایی خوارد و وەک سەرۆکی نوێی دادگای باڵای فیدراڵی دەستبەکاربوو.
ئەمڕۆ پێنجشەممە حاکم مونزیر ئیبراهیم حسێن سەرۆکی نوێی دادگای باڵای فیدراڵی لەبەردەم د.لەتیف رەشید سەرۆک کۆماری عێراق سوێندی یاسایی خوارد.
لە چەند رۆژی رابردوودا ئەنجومەنی دادوەری عێراق دادوەر جاسم عەبدوی بە هۆکاری تەندروستی خانەنشین کرد و هاوکات دادوەر مونزیر ئیبراهیم وەک کاندیدی شوێنگرەوەی دەستنیشانکرد.
دادوەر مونزیر ئیبراهیم پێشتر دادوەری یەدەگی دادگای باڵای فیدراڵی بووە، پێشبینیدەکرێت بە دەستبەکاربوونی ئەو دادوەرانەی دیکەی دادگاکە کە داوای دەستلەکارکێشانەوەیان کردبوو بگەڕێنەوە سەر کارەکانیان.
