میدیا عێراقییەکان ئاشکرایانکرد، حکومەتی عێراق هەرێمی کوردستانی ئاگادارکردووەتەوە، تا ئەوکاتەی سەرجەم داهاتەکانیان رادەست دەکەن، هیچ وەفدێک نەنێرن.
سەرچاوەیەک بە پێگەی (بەغداد ئەلیەوم)ـی راگەیاند، حکومەتی عێراق بۆ دەستپێکردنەوەی هەر دانوستانێک سەبارەت بە خەرجکردنی مووچەی فەرمانبەرانی هەرێمی کوردستان بۆ مانگی ئایار، مەرجێکی داناوە و رایگەیاندووە، پێویستە حکومەتی هەرێم سەرجەم داهاتەکانی رادەست بکات.
ئەو سەرچاوەیە وتیشی، بەغداد لەم کاتەدا رەتیکردووەتەوە پێشوازی لە هیچ وەفدێکی هەرێم بکات، هەتاوەکو ئەو مەرجەی جێبەجێنەکرێت.
دەشڵێت، ئەم هەنگاوەی حکومەتی ناوەند لەبەر رۆشنایی ئەو ناکۆکییە بەردەوامانە دێت، کە هەرێم و بەغداد لەسەر پرسی داهاتە نەوتی و نانەوتییەکان، هەیانە.
