قائیمقامیەتی سلێمانی رایدەگەیەنێت، بەهۆی دووبارە ئەنجامدانی سەرپێچی و پابەندنەبوونیان بەو رێنمایانەی کە پێشتر لە لایەن لیژنە هاوبەشەکانەوە پێیاندرابوون، مانگی رابردوو 21 شوێن داخراون.
لە راپۆرتی مانگانەی لیژنە هاوبەشەکانی قائیمقامیەتی سلێمانیدا هاتووە، لە مانگی شەشی ئەمساڵدا شەش هەزار و 770 سەردانیان بۆ بازاڕ و شوێنە گشتییەکانی شاری سلێمانی ئەنجامداوە، لەو سەردانانەشدا 127 حاڵەتی ئاگادارکردنەوە و 452 حاڵەتی سەرپێچی جۆراوجۆر تۆمارکراوە.
ئاشکراشیکرد، ، لەم مانگەدا تەنها سێ حاڵەتی دادگا تۆمارکراوە، 21 شوێنی گشتی و بازرگانیش داخراون، ئەو شوێنانەشی کە رووبەڕووی داخستن بوونەتەوە بەهۆی دووبارە ئەنجامدانی سەرپێچی و پابەندنەبوونیان بووە، بەو رێنمایانەی کە پێشتر لە لایەن لیژنە هاوبەشەکانەوە پێیاندرابوون.
