بەپێی ئەو زانیارییانەی بە تۆڕی میدیایی ئێستا دراون بەهۆی كەوتنەوەی ئاگرەكەی سنووری بتوێن زیاتر لە 900 دۆنم پووش و پاوانی سنوورەكە سووتان و ژمارەیەك باخ و ڤێلای هاوڵاتییان و چەند خانوویەكی پلاستیكی لەو سنوورە بەهۆی ئاگرەكەوە سووتاون.
هەر لە زانیارییەكاندا هاتووە بەهۆی ئاگرەكەی دەشتی بتوێنەوە، كارمەندێكی بەرگریی شارستانی و كارمەندی كۆمپانیایەك برینداربوون.
ئاماژە بۆ ئەوەش كراوە، ئاگرەكە لە كاتژمێر 11:30ی خولەكی پێشنیوەڕۆی ئەمڕۆ تاوەكو كاتژمێر 6ی ئێوارە بەردەوام بووە و بە هەوڵی تیمەكانی بەرگریی شارستانیی راپەڕین ئاگرەكە كۆنترۆڵكراوە و تا ئێستا هۆكاری كەوتنەوەی ئاگرەكە نەزاندراوە.
