ئاسایشی سلێمانی دەستگیرکردنی ئەو تۆمەتبارەی راگەیاند، کە ئەمڕۆ هاوڵاتییەکی کردبوو بە ژێر ئۆتۆمبێلەکەیەوە و دواتر هەڵاتبوو.
بەڕێوەبەرایەتیی ئاسایشی سلێمانی لە راگەیەندراوێکدا بڵاویکردەوە، کاتژمێر 04:30 ی خولەکی دواینیوەڕۆی ئەمڕۆ شۆفێری ئەو ئۆتۆمبێلەمان دەستگیرکرد کە لە شەقامی گشتیی بەردەم پارێزگای سلێمانی بە ئۆتۆمبێل لە هاوڵاتییەکی دابوو و هەڵاتبوو.
ئاماژەی بەوەشکرد، بەپێی تایبەتمەندی کەیسەکە، تۆمەتبار رادەستی بەڕێوەبەرایەتیی پۆلیسی پارێزگای سلێمانی دەکرێتەوە.
