رۆژنامەیەکى ئەمریکى رایدەگەیەنێت، بەمنزیکانە ئێران پێشنیارەکەى سەرۆکى ویلایەتە یەکگرتووەکان پەسەند دەکات.
رۆژنامەى نیویۆرک تایمز لە زارى بەرپرسێکى باڵاى وەزارەتى دەرەوەى ئێرانەوە رایگەیاند، تاران بەمنزیکانە پێشنیارەکەى دۆناڵد ترەمپ سەرۆکى ئەمریکا بۆ دیدار پەسەند دەکات.
رۆژنامەکە لە زارى هەمان سەرچاوەوە وتیشى، عەباس عراقچى وەزیرى دەرەوە دیدار لەگەڵ ستیڤ ویتکۆف-ى نێردەى ترەمپ یان جاى دیفانس-ى جێگرى ترەمپ پەسەند دەکات بۆ تاوتوێکردنى ئاگربەست.
لەلایەکى دیکەوە رۆژنامەکە لە زارى بەرپرسانى ئەمریکاوە بڵاویکردەوە، ئێران مووشەکى ئامادەکردووە بۆ لێدان لە بنکە سەربازییەکانى ئەمریکا لە رۆژهەڵاتى ناوەڕاست ئەگەر واشنتن هێرش بکاتەسەرى.
دەشڵێت، ئەگەر ئەمریکا هێرش بکات، ئێران مین لە گەرووى هورمز دادەنێت بۆ گەمارۆدانى کەشتییە ئەمریکییەکان.
بەرپرسەکە ئەوەشى باسکردووە کە بارى ئامادەباشیی هێزەکانى ئەمریکا لە بنکە سەربازییەکانى ناوچەکە بەرزکراوەتەوە.
