وتەبێژی سوپای ئیسرائیل رایدەگەیەنێت، هیچ فڕۆکەیەکی جەنگییان لەلایەن ئێرانەوە نەخراوەتە خوارەوە.
ئەفیخای ئەدرەعی، وتەبێژی عەرەبیی سوپای ئیسرائیل لە تۆڕی کۆمەڵایەتیی ئێکس ئاماژەی بەوەکرد، ئەو هەواڵانەی لەبارەی خرانەخوارەوەی فڕۆکەی جەنگیی ئیسرائیلی بڵاوکراونەتەوە، ناڕاستن.
دەشڵێت، “ئەو هەواڵانە لەلایەن سوپای ئێران و میدیاکانی نزیک لێیانەوە بڵاوکراونەتەوە و هیچ بنەمایەکی راستییان نییە”.
پاشنیوەڕۆی ئەمڕۆ، سوپای ئێران رایگەیاند، چەند فڕۆکەیەکی جەنگیی ئیسرائیلییان لە رۆژئاوای ئێران خستووەتە خوارەوە و چارەنووسی فڕۆکەوانەکانیان نادیارە.
