بەڕێوەبەری گەشتوگوزاری دوکان، رایگەیاند، “ژمارەیەکی زۆری گەشتیار روویان لە دوکان کردووە”.
رێژین رەئوف، بەڕێوەبەری گەشتوگوزاری دوکان، بە تۆڕی میدیایی ئێستای راگەیاند، ژمارەیەکی زۆر گەشتیار روویان لە شوێنەگەشتیارییەکانی دوکان کردووە و چاوەڕوانی هاتنی ژمارەیەکی زۆرتریش دەکەین.
وتیشی، بەتایبەت لە ئێوارەی دوێنێوە جوڵەیەکی باش لە شوێنە گەشتیارییەکانی دوکاندا هەیە و زۆرینەی گەشتیاران لە ناوەراست و خوارووی عێراقەوە هاتوون، چەند پشووەکانیش زیاتربن کاریگەری لەسەر زیادبوونی گەشتیار دەکەن.
لەبارەی ئاماری گەشتیاران، رێژین رەئوف رایگەیاند، “لەگەڵ کۆتاییهاتنی جەژن ئامارەکان بڵاودەکەینەوە”.
