فارس عیسا سەرۆکی نوێنەرایەتیی حکومەتی ھەرێم لە بەغداد رایگەیاند، ھەرێمی کوردستان خاوەن ھێز و ئیرادەیەکی زۆر باشە، ئەوەی ئەوان دەیانەوێت و پیلانیان بۆ داناوە، ھەرێمی کوردستان زۆر لەوە بەھێزترە.
فارس عیسا رایگەیاند، عێراق ھیچ بڕوای بە رێککەوتن و ھاوبەشی و فیدراڵیەت نییە و ئەوەی ئێستا دەیکەنە کێشە بۆ ھەرێم سیاسییە و دەیانەوێت ھەموو دەسەڵاتەکان مەرکەزی بن و هەموو شتێک لە دەست ئەواندا بێت و بە ئارەزووی خۆیان مامەڵە بکەن،
ئاماژەی بەوەشکرد، ھەرێمی کوردستان بەھێزە و رێگای زۆری لەپێشە بیگرێتە بەر لە رووی یاساییەوە لەسەر ئاستی نێودەوڵەتی و ھەرێمیشەوە، خاوەن ھێز و ئیرادەیەکی زۆر باشە، ئەوەی ئەوان دەیانەوێت و پلانیان بۆ داناوە، زۆر لەوە بەھێزترە.
جەختیشیکردەوە، ھەرێمی کوردستان پابەندی ھەموو رێککەوتنەکان بووە بەپێی دەستووری عێراق، بەڵام ئەوە عێراقە دەستوور جێبەجێ ناکات و بۆ بەرژەوەندیی خۆیان بەکاری دێنن.
