سۆران عومەر ئەندامی ئەنجومەنی نوێنەرانی عێراق رایدەگەیەنێت، وەزارەتی دارایی عێراق ئەمڕۆ بە نووسراوی ژمارە 14502 دەربارەی مووچەی مانگی پێنج حكومەتی هەرێمی ئاگاداركردووەتەوە گوایە تەرخانكراوی دارایی هەرێم 12.67 % لە یاسای بودجەی سێ ساڵی كۆتاییهاتووە.
راشیگەیاندووە، ئەمەشی بەو جۆرە هەژماركردووە هەموو داهاتی نەوتی و نانەوتیی هەرێمی بۆ ساڵی 2023 – 2024 – 2025 ئەژماركردووە لەگەڵ ئەوەی كەناردوویەتی بۆ هەرێم.
دەشڵێت، “ئەمەش پێشهاتێكی نوێیە و ساڵی رابردوو بۆ بودجەی 2024 بەغداد لە مانگی 10 ئەمە روویدا ئەمساڵ بۆ بودجەی 2025 لە مانگی پێنج ئەمە بە هەرێم دەڵێت”.
باسی لەوەش كردووە، ئەم بابەتە پێویستی بە هەڵوێستە و كێشمەكێشی نوێ هەیە و مووچەی هەشت مانگی خەڵك دەخاتە بەردەم مەترسی و داهاتی نەوت كە هەرێم بردوویەتی و نادیارە و داهاتی ناوخۆش یەك لەسەر پێنجی گەڕێندراوەتەوە بۆ بەغداد مووچەی هەشت مانگی ئاییندەی خستووەتە بەردەم مەترسییەوە.
