وتەبێژی پۆلیسی سلێمانی، رایگەیاند، کرێکارێک لەکاتی کارکردن گیانیلەدەستدا.
سەرکەوت ئەحمەد، وتەبێژی پۆلیسی سلێمانی، بە تۆڕی میدیایی ئێستای راگەیاند، بەیانیی ئەمڕۆ کرێکارێک لەکاتی کارکردندا لە یەکێک لە کۆگاکانی راپەڕین کارەبا گرتوویەتی و کەوتووەتەخوارەوە دەستبەجێ گیانیلەدەستداوە.
وتیشی، هێزەکانی پۆلیسی راپەڕین گەیشتوونەتە شوێنی رووداوەکە و تەرمەکەیان بۆ پزیشکی دادی سلێمانی گواستووەتەوە.
باسی لەوەشکرد، “ئەو کرێکارە کوردە و دانیشتووی سلێمانییە، تەمەنی سەرووی 30 ساڵە”.
