بڕیارە لە کۆتایی ئەم هەفتەیەوە ئەنجومەنی نوێنەران بکەوێتە پشووی وەرزیی خۆیەوە.
ئەنجومەنی نوێنەرانی عێراق بڵاویکردەوە، بەپێی ماددەی 57 لە دەستووری عێراق و بەپێی ماددەی 22 لە پەیڕەوی ناوخۆی ئەنجومەن، پشووی وەرزی بەهاری ساڵی چوارەمی یاسایی ئەنجومەنی نوێنەران دەستپێدەکات.
ئاماژەی بەوەشکرد، پشووەکە لە رۆژی هەینی دەستپێدەکات و ماوەی یەک مانگ دەخایەنێت.
پشووی ئەنجومەنی نوێنەران لە کاتێکدایە، کۆمەڵێك یاسای گرنگ لە چاوەڕوانی پەسەندکردندان، کە گرنگترینیان خشتەی بودجەیە کە تا ئێستا لە ئەنجومەنی وەزیرانەوە رەوانە نەکراوە.
