درەنگانی شەوی رابردوو کاندیدێکی هەڵبژاردنی ئەنجومەنی نوێنەرانی عێراق لە تەقینەوەیەکدا کوژرا.
میدیاکانی عێراق بڵاویانکردەوە، درەنگانی شەوی رابردوو بۆمبێکی چێندراو بە ئۆتۆمبێلی سەفا مەشهەدانی کاندیدی هەڵبژاردنی ئەنجومەنی نوێنەرانی عێراق تەقییەوە و بەهۆیەوە ناوبراو گیانیلەدەستدا.
سەفا مەشهەدانی ئەندامی ئەنجومەنی پارێزگای بەغداد بوو، لەسەر لیستی هاوپەیمانێتی سەروەری سوننەکان بۆ ئەنجومەنی نوێنەرانی عێراق کاندیدکرابوو.
تا ئێستا دەزگا ئەمنییەکان، هیچ زانیارییەکیان لەبارەی هۆکاری رووداوەکە و دەستگیرکردنی تۆمەتباران رانەگەیاندووە.
