ماڵپەڕە عێراقییەکان ئاماژە بەوەدەکەن، رەنگە لە کۆبوونەوەی ئەمڕۆی ئەنجومەنی وەزیرانی عێراقدا، پرسی ناردنی مووچەی مووچەخۆرانی هەرێم تاوتوێبکرێت.
ماڵپەڕی شەفەق نیوز، لە زاری سەرچاوەیەکی ئاگادارەوە بڵاویکردووەتەوە، 33 رۆژ بەسەر خەرجکردنی مووچەی مانگی سێی مووچەخۆرانی هەرێم تێدەپەڕێت و تائێستا، چارەنووسی مووچەی مانگی چوار بە نادیاری ماوەتەوە.
دەشڵێت، لیستی مووچەی مانگی چوار لە وەزارەتی دارایی عێراقە و دیارنییە کەی پارەی مووچەی ئەو مانگە دەنێردرێت.
ئەو سەرچاوەیە راشیگەیاند، بڕیارە ئەمڕۆ ئەنجومەنی وەزیرانی عێراق دانیشتنی هەفتانەی خۆی بۆ تاوتوێکردنی کۆمەڵێک پرس ئەنجامبدات و رەنگە، پرسی ناردنی مووچەی مانگی چواری مووچەخۆرانی هەرێمیش تاوتوێبکرێت.
