دەلیل جەمال نووسەر و رۆژنامەنووس لە نووسینێكیدا دەڵێت،”دروستبوونی یەكێتی وەرچەرخانێك بوو لە كاری حزبی و رێكخراوەیی، حزبێك جیاواز لە هەیكەل و روئیا و سیاسەت لەحزبەكانی دیكەش نەچوو، ئەمە مێژوویەكی دوورودرێژە و هەمووان دەتوانین و دەزانین، خاڵ بەخاڵ و تەوەر بەتەوەر بینیوومانە و خوێندوومانەتەوە”.
باسی لەوەش كردووە، لە دوای راپەڕینی 1991 كاری حزبی لە رووی هەیكەل و سیاسەتەوە جۆرێك چەقی بەستبوو، نەك بۆناوخۆی حزبێك بگرە تەواوی حزبەكان لە هەرێمی كوردستان و ناوچەكەش لەزۆرترین حاڵەتدا دەچوونەوە سەریەكتر و نزیك لە هاوشێوەبوون، ئەمەش وایكردبوو زۆرجار بەڕەنگ لە یەكتر جیادەكرانەوە و ئەم رێڕەوی جۆری حزبایەتییە، واها پەنگی خواردبوو، زاتی دەویست حزبێك پێچەوانەی ئەو ڕێڕەوە ڕێ بكات و هەوڵی گۆڕین لەستایڵ و هەیكەل و ناوەڕۆكی خۆی بدات.
وتیشی، ” هەموو حزبەكان چاویان تەنها لەسەركۆنگرەی حزبە، كە ئەمەش رێكارێكی كاری ڕێكخراوەییە و تاوەكو ئەمڕۆ كۆنگرەكان نەیانتوانیوزە حزب بگۆڕن هتد”.
دەشڵێت، “یەكێتی قەڵەمبازیكرد، یەكێتی بەحوكمی ئەوەی حزبێكی ڕچەشكێن و بوێر و چاونەترسە، بەردەوام شتە نوێ و نوێگەرییەكان ئەو پێشەنگی بووە، هەربۆیە دوای نزیكەی نیوسەدە لەكاری حزبایەتی، چەمكێكی دیكەی هێنایە ناو كاری حزبی و دەرگایەكی دیكە و مۆدێلێكی دیكەی خستە سەر سیاسەت و رێگایەكی نوێی داهێنا ئەویش دیداری یەكێتییە”.
جەختیشدەكاتەوە دیدار و رێگای نوێی كاری حزبی كە جیهان لەگۆڕاندایە، رووداوەكان خێران، حزبەكانیش لەچوارچێوەیەك دەقیان گرتووە، یەكێتی دەیەوێت جیاواز ڕێبكات، چۆن؟ دیدار هەنگاوێك جەوهەرییە سەكۆی دیدە جیاوازەكانە (لەنێوان ئەزموونی دوێنێ و وەزە و توانا و عەقڵی ئەمڕۆ) دیدار هەنگاوێكی پۆست مۆدێرنەیە، كرانەوەی حزبە لەبەردەم ڕووداو و پێشهاتەكان، خۆسازدانە، بۆ جیهانی نوێ و كرانەوەیە بەڕووی پێشكەوتن و بەزانستی كردنی سیایەتە، كە ئێستا حزبە گەورە دیارەكانی جیهان لەناو ئەم جۆرە گۆڕانكارییەدان.
باسی لەوەش كردووە، دیدار یەكێتی بەرەو كوێ دەبات؟.. وەك وتم دیدار هەنگاو و رێگا و دەرچەیەكی نوێی مۆدێرنە بۆ كاری حربی، كەواتە دیدار یەكێتی بەرەو كرانەوە دەبات، مۆدێلێكی نوێی كاری حربی دەخاتە ناو كارنامە و سیاسەتی یەكێتی، دیدار توانی بەسەر ترس و ئاڵنگارییەكاندا سەركەوێت، بەجۆرێك یەكێتییەكان ئومێدیان لەسەر هەڵچنیووە، بۆخۆی ئومێد نیشانەی باشی و سەركەوتنی دیدارە.
وتیشی، “من پێموایە مۆدێلێكی نوێ لەسیاسەت و دنیابینی یەكێتی ڕێچكەی گرتووە و وردە وردە یەكێتی بەرە و حزبی پۆست مۆدێرنە دەبات، لە فۆڕم و ناوەرۆكدا، یەكێتی لەبەم دیدارانەی كە ئەنجامیان دەدات، كە دوو دیداری ئەنجامداوا، لەبازنەی حزبی شموولی چووەتە دەرێ و حزبێكی كراوەیە، پێموایە دیدار یەكێتی هێندە نزیكدەكاتەوە لە خەڵك و شەقام بەدەگمەن جیایان دەكەیتەوە، ئەمەش پێمان دەڵێت یەكێتی بەرەو حزبی و رێكخراویی تەواو جەماوەریی دەچێت، مەبەستمە بڵێم ئایدۆلۆژیای سیایەتی یەكێتی دەبێتە ئایدۆلۆژیای خەڵك و خواست و داواكاری”.
دەلیل جەمال لە نووسینەكەیدا دەشڵێت، “ئەمەش پێی دەوترێت تەبەنی كردنی خواستی خەڵك لەچوارچێوەی ئەرك و ماف بۆ سكێچی كاری حزبی و سیاسی، بۆ؟.. چونكە دیدار یەكێتی بەرە و حزبی پڕۆژە و ستراتیژ و پێشنیاری واقعی دەبات، خۆبینینەوەی كادر و خەڵك لەناو كارنامە و سیاسەتی یەكێتی كە دەكرێت لەئاییندەدا یەكێتی دیدار بكاتە سەنتەرێكی گەورە بۆ سیایەت و ستراتیژیی. مایكی ئازادی ڕادەربڕینی كادر و هاوڵاتی تا لەوێوە دەنگی یەكێتی بگات و دەنگی هاوڵاتیش بگات، ئەمە پێمان دەڵێت دیدار عاقیبەتی یەكێتی باشدەكات”.
