وتەبێژی بەرگریی شارستانیی سۆران رایگەیاند، “ئەمڕۆ هەفتەیەکە بەدوای تەرمی ئاڤێستا دەگەڕێین”.
رەوەند هاودیانی، وتەبێژی بەرگریی شارستانیی سۆران، بە تۆڕی میدیایی ئێستای راگەیاند، “ئەمڕۆ حەوتەمین رۆژە بەدوای تەرمی ئاڤێستا دەگەڕێین تەواوی تیمەکانی بەرگریی شارستانیی سۆران و هەولێر، دوو تیمی فڕۆکەوانیی هەولێر لە سنووری زێی خەبات تاوەکو قەندیل لەگەڵ تیمێکی مەلەوانیی زاخۆ لە ئەرکدان”.
باسی لەوەشکرد، “خراپیی کەشوهەواو بارانبارینی چەند رۆژی رابردوو، بەرزبوونەوەی ئاستی ئاوەکە و هەروەها لێڵیی ئاوەکە زیادیکردووە و پلەی گەرمییەکەشی نزمبووەتەوە، ئەمانە هەمووی ئاستەنگن و دۆزینەوەی تەرمەکە سەخت بووە”.
رۆژی 5ی ئەم مانگە، ئاڤێستا یوسفی تەمەن 27 ساڵ، کە پیشەی مامۆستا بوو، دانیشتووی هەولێر بوو بۆ گەشت و سەیران رووی لە سنووری قەزای مێرگەسوور کردبوو، کاتێک براکەی کەوتووەتە ناو رووبار ئاڤێستا ویستوێتی رزگاری بکات، بەڵام خۆی کەوتووەتە ناو رووبارەکە، تاوەکو ئێستا گەڕان بۆ دۆزینەوەی تەرمەکەی بەردەوامە.
