نێچیرڤان بارزانی رایگەیاند، هیچ نیازێکیان نییە پێکهێنانی کابینەی نوێی حکومەت دوابخەن، جەختیشیکردەوە، پشووەکانی جەژن کۆبوونەوەکانی دواخستووە.
نێچیرڤان بارزانی سەرۆکی هەرێم رایگەیاند، گفتوگۆیەکی جددیی لەنێوان ئێمە و یەکێتی هەیە و بەهۆی نەورۆز و جەژنی رەمەزانەوە، کۆبوونەوەکان دواکەوتوون، بەڵام ئێمە لەسەر رێچکەیەکی راست دەڕۆین بۆ پێکهێنانی حکومەت.
ئاماژەی بەوەشکرد، دانووستانی نێوان یەکێتی و پارتی بۆ ئەوەیە بەزووترین کات حکومەت پێکبهێنین، نە لای ئێمە نە لای یەکێتی نیەتی ئەوە نییە پێکهێنانی حکومەت بۆ مانگی حەوت یان دوای هەڵبژاردنی عێراق دوابخرێت.
