بەپێی ئەو زانیارییانەی بە تۆڕی میدیایی ئێستا دراون، لە سبەینێوە لەگەڵ دەستپێكردنی دەوامی فەرمانگەكان سیستمی پەیڕۆڵ چالاك دەبێت و ژمێریاریی فەرمانگەكان دەست بە ئامادەكردنی لیستی مووچەی مانگی چوار دەكەن.
هەر لە زانیارییەكاندا هاتووە، فەرمانگەكان لیستی مووچەی مانگی چوار ئامادەدەكەن تاوەكو رەوانەی گەنجینەكان بكرێت و لەو رێگایەوە بۆ وەزارەتی دارایی بنێرێت كە رەوانەی بەغداد بكرێت.
ئاماژە بۆ ئەوەش كراوە چاوەڕواندەكرێت تاوەكو كۆتایی ئەم هەفتەیە لیستی مووچە ئامادەبكرێت و بۆ بەغداد بنێردرێت.
