وەزارەتی پەروەردە بڕیاریدا ماوەی تۆماركردن و وەرگرتنی منداڵان لە باخچە و خوێندنگاكان درێژبكاتەوە.
سامان سیوەیلی وتەبێژی وەزارەتی پەروەردەی هەرێم ڕایگەیاند، وەزارەتەكەیان بڕیاریداوە بە درێژکردنەوەی ماوەی تۆمارکردن و وەرگرتنی منداڵان لە قۆناغی باخچەی منداڵان و قوتابیانی قۆناغی یەکەم و حەوتەمی بنەڕەتی و دەیەمی ئامادەیی لە باخچە و قوتابخانە و خوێندنگەکان (حکومی و ناحکومی).
بەپێی بڕیارەكە درێژكردنەوەی وەرگرتن و تۆماركردنەكە تا ڕۆژی پێنجشەممە ڕێکەوتی 4ی ئاب دەبێت.
پێشتر 26ی تەمموز وەك دوا وادەی تۆماركردنی منداڵان لە باخچە و خوێندنگاكان دیاریكرابوو.
