رۆژنامەیەكی ئیتاڵی بەناوی ئێل فۆلیۆ وەك یەكەمین رۆژنامە لەلایەن ژیریی دەستكردەوە دەنوسرێتەوە و وەك یەكەم هەنگاویش بەشێوەی ئەزموونی بڵاودەكرێتەوە.
بەپێی راگەیەندراوێكی دەستەی دامەزرێنەری رۆژنامەی ئێل فۆلیۆ-ی ئیتاڵی، رۆژنامەكە یەكەم چاپی خۆی بەشێوەیەكی ئەزموونی بڵاودەكاتەوە پاش ئەوەی ئەم چاپە بە تەواوەتی لەلایەن ژیریی دەستكرد (AI)-وە نوسراوەتەوە بەبێ ئەوەی هیچ هەواڵساز و كۆكەرەوەیەك بوونی هەرێت. ئاماژەی بەوەشكردووە، رۆژنامەكە رۆژانە چوار لاپەڕەی لێچاپدەكرێت و بەبێبەرامبەر دابەشدەكرێت و بڕیاریشە ئەگەر بكرێتە هەمیشەیی بە 10 لاپەڕە چاپبكرێت و بە یەك یۆرۆ و 80 سەنت بفرۆشرێت.
روونیشیكردووەتەوە، رۆژنامەكە پشت بە سیستمەكانی ژیری دەستكرد دەبەستێت و خودی سیستمەكە ئەركی نوسینی وتار، دانانی ناونیشان، پوختەكردن و گرنگترین كورتەی بابەتە سەرەكییەكان ئەنجامدادەت بەبێ ئەوەی هیچ مرۆڤێك هاوكاری سیستمەكە بكات و یەكەم چاپی ئەزمونیشی لە ژێر ناوی (Il Folio AI) دەبێت.
