کەشناسیی هەرێم: پلەی گەرمی بەرزدەبێتەوە

کەشناسیی هەرێم رایگەیاند، سبەی یەکشەممە ئاسمان ساماڵ دەبێت و پلەی گەرمی بەرزدەبێتەوە.

بەڕێوەبەرایەتیی گشتیی کەشناسی و بومەلەرزەزانیی هەرێمی کوردستان بڵاویکردەوە، ئەمڕۆ شەممە، ئاسمان ساماڵ و پەڵەهەور دەبێت، هەندێکجار دەگۆڕێت بۆ نیمچەهەور، لەگەڵ بارینى نمەباران، بەتایبەتى لە ناوچە شاخاوییەکانى باکورى هەرێم، هەروەها بوونى بەفرێکى کەم لە ناوچە شاخاوییە سنورییەکان .

ئاماژەی بەوەشکرد، پلەی گەرمی نزیکدەبێتەوە لە تۆمارکراوەکانی دوێنێ.

لەبارەی کەش و پلەی گەرمیی سبەی یەکشەممەوە، کەشناسی دەڵێت، ئاسمان ساماڵ دەبێت لەگەڵ دروستبوونی هەندێک پەڵەهەور و پلەکانی گەرماش بە رێژەى (1-2) پلەى سیلیزى بەرزدەبنەوە.

بەرزترین پلەکانی گەرمیی پێشبینیکراو بە پلەی سیلیزی

هەولێر : 19  پلەی سیلیزی

سلێمانی : 17 پلەی سیلیزی

دهۆک : 17  پلەی سیلیزی

کەرکوک : 22 پلەی سیلیزی

زاخۆ  : 18 پلەی سیلیزی

هەڵەبجە : 16 پلەی سیلیزی

سۆران : 15 پلەی سیلیزی

حاجی ئۆمەران :7 پلەی سیلیزی

گەرمیان : 22 پلەی سیلیزی