یوسف سمیل، ئەندامی سەركردایەتیی حەرەكەی ئاشووری دەڵیت، “لەگەڵ مەسعود بارزانی، نێچیرڤان بارزانی و مەسرور بارزانی دانیشتین و پێیان وتین كە دەبێت راگەیاندنەكانتان لە دەرەوەی وڵات رابگرن، چونكە زۆر ئازاربەخشن، منیش وتم زۆر ئاسانە ئێمە راگەیاندنەکانمان رادەگرین، بەڵام ئێوە گوندەكەی من بگەڕێنەوە بۆ خاوەنەكانیان و ئەو كات بێدەنگ دەبم و كە من بێدەنگ بووم راگەیاندنەكانیشمان لە دەرەوەی وڵات بێدەنگ دەبن”.
باسی لەوەشكرد، قۆناغێك پێمان وتن ئێوە ئازارمان دەدەن و خۆشەویستی دراوسێیەتی لە نێوانمان نەماوە ،وەڵا ئەگەر هێزمان هەبووایە لێمان دەدان و تاكە هێز كە هەمانە راگەیاندن و ئەو گەنجانەن كە لە دەرەوەی وڵات هاتوون و بتوانن دەنگمان بگەیەنە لای خۆیان “.
وتیشی، “خەڵكینە میللەتمان زوڵم لێكراوە و خەڵكینە ئەم دیموكراتییە وانییە جێدەستیان دیارە لە هەڵبژاردن هەموو ساڵێك ناكۆكییەكی بەهێز هەیە و میللەتمان دەفرۆشن و چەند كەسێك هەن پارەپەرستن 5 بۆ 10كەسن و ئەوانیان كردووەتە زۆرنا لێدەر و نامەوێت ناویان بێنم، چونكە شایستە نین”.
