بەپێی پێشبینییەکانی کەشناسیی هەرێم، سبەینێ لە زۆربەی ناوچەکانی هەرێم نمەباران دەبارێت، لە ناوچەشاخاوییەکانیش کاریگەریی زیاتر دەبێت.
بەڕێوەبەرایەتی گشتی کەشناسی و بومەلەرزەزانی هەرێم بڵاویکردەوە، سبەینێ هەینی لەئەنجامی بەردەوامی کاریگەریی نزمە پەستانی دەریای سوور لەسەر هەرێم، ئاسمان لە نێوان نیمچە هەور و هەورى تەواو دەبێت ، لەگەڵ بارینى نمە باران کە زۆربەی ناوچەکان دەگرێتەوە و لەناوچە شاخاوییەکان کاریگەریی زیاتر دەبێت.
باس لەوەشدەکات،”هەندێ کات بۆ تاوە باران و بروسکە دەگۆڕێت لەکاتەکانی دوای نیوەڕۆ، لەکاتەکانی شەودا کاریگەری شەپۆلەکە لاواز دەبێت”.
بەرزترین پلەکانی گەرمای پێشبینیکراو بە پلەی سیلیزی :
هەولێر : 28 پلەى سیلیزى
سلێمانی : 25 پلەى سیلیزى
دهۆک : 24 پلەى سیلیزى
کەرکوک :28 پلەى سیلیزى
هەڵەبجە : 26 پلەى سیلیزى
زاخۆ : 25 پلەى سیلیزى
حاجی ئۆمەران: 16 پلەى سیلیزى
سۆران : 26 پلەى سیلیزى
گەرمیان : 29 پلەى سیلیزى
