وەزارەتی کارەبای حکومەتی هەرێمی کوردستان داتای بەرهەمهێنان و خواست لەسەر کارەبا لەم وەرزەدا بڵاوکردەوە، رایگەیاندووە، خواست لەسەر کارەبا بەراورد بە بەرهەمهێنان زیادیکردووە.
لە راگەیەندراوەکەی وەزارەتی کارەبادا هاتووە، لەم وەرزەدا ئاستی خواست لەسەر بەکارهێنانی کارەبا لەلایەن هاوڵاتییانەوە زیادیکردووە و گەیشتووەتە پێنج هەزار و 500 مێگاوات.
هەروەها توانای وێستگەکانی کارەبا بۆ بەرهەمهێنان لەنێوان 3200 بۆ 3300 مێگاواتدایە، بەهۆی بەرزبوونەوەی پلەکانی گەرماوە توانای وێستگەکان بۆ بەرهەمهێنان کەمیکردووە.
