بەلەمێکی کۆچبەران بە چەند سەرنشینێکەوە رزگارکرا، بەڵام چارەنووسی چەند کەسێکیان بە نادیاری ماوەتەوە.
ئەمڕۆ دووشەممە، ماڵپەڕی جەزیرە بڵاویکردووەتەوە، لە هەڵمەتێکی گەڕان و پشکنینی هێزە دەریاییەکانی قوبرسدا توانرا بەلەمێکی کۆچبەران لە دەریای قوبرس رزگاربکرێت.
ئاماژە بەوەشدراوە، بەلەمەکە بە درێژایی 55 کیلۆمەتر لە کەناراوەکانی قوبرس دووربووە و هەڵگری 20 سەرنشین بووە، بەڵام چارەنووسی چەند کەسێکیان تاوەکو ئێستا بە نادیاری ماوەتەوە و نقووم بوون.
هاوکات، پۆلیسی قوبرس روونیکردووەتەوە، لەپڕۆسەی گەڕان بەدوای ئەو چەند سەرنشینەدا لەلایەن چەند فڕۆکەیەکی تایبەت و هێلیکۆپتەرەوە چاودێری بارودۆخەکەیان کردووە، بەڵام چارەنووسییان بە نادیاری ماوەتەوە و نەدۆزراونەتەوە.
