بەڕێوەبەرایەتیی ئاسایشی هەولێر دەستگیركردنی ئەو تۆمەتبارەی راگەیاند كە چوار كەسی لە خانەوادەكەی كوشتووە.
لە راگەیەندراوەكەی بەڕێوەبەرایەتیی ئاسایشی هەولێردا هاتووە، دوای ئەوەی لە رووداوێكی تەقەكردن ئاگاداركراینەوە لە گەڕەكی فەرمانبەرانی شاری هەولێر، دوای ئەنجامدانی بەدواداچوون لە لایەن تیمەكانمانەوە بۆمان دەركەوت تۆمەتبار كە پیشەی پزیشكە، لەسەر كێشەیەكی كۆمەڵایەتی بە چەكی جۆری (دەمانچە) هەڵساوە بەكوشتنی هاوسەری و خەزوور و خەسوو و خوشكی هاوسەری.
هەر لە راگەیەندراوەكەدا هاتووە، دوای ئەنجامدانی ئەم تاوانە تۆمەتبار بە فەرمانی دادوەری لێكۆڵینەوەی ئاسایشی هەولێر لە لایەن هێزەكانمانەوە دەستگیركرا.
