دەستەی کەشناسیی و بومەلەرزەزانیی عێراق بڵاویکردەوە، بەرەبەیانی ئەمڕۆ سێ بومەلەرزە هەرێمی کوردستانی هەژاند و بەهێزترینیان گوڕەکەی 4.7 پلە بووە بە پێوەری رێختەر.
دەستەی کەشناسیی و بومەلەرزەزانیی عێراق بڵاویکردەوە، بەرەبەیانی ئەمڕۆ سێ بومەلەرزە روویانداوە، بومەلەرزەی یەکەمیان کاتژمێر 12:34 خولەک بە گوڕی 4.7 پلە بە پێوەری رێختەر لە دووری 20 کلم لە باکووری خۆرهەڵاتی دوزخورماتووی سەر بە پارێزگای کەرکوک روویداوە.
ئاماژەی بەوەشکرد، “بومەلەرزەی دووەم کاتژمێر 12:44 خولەک بە گوڕی 4.6 پلە بە پێوەری رێختەر لەسەر سنووری عێراق – تورکیا لە دووری 44 کلم لە باکووری رۆژهەڵاتی دهۆک روویداوە”.
بومەلەرزەی سێیەم بە گوڕی 3.1 پلە لە کاتژمێر 12:38 خولەک لە نزیک سنووری عێراق – تورکیا لە دووری 33کیلۆمەتر لە باکووری رۆژهەڵاتی پارێزگای دهۆک روویداوە، وەک لە راگەیەندراوەکەی بومەلەرزەزانیی عێراقدا هاتووە.
