درەنگانی شەوی ڕابردوو بەهۆی ڕووداوێکی هاتوچۆوە مامۆستایەکی زانکۆی ڕاپەڕین گیانیلەدەستدا و منداڵەکەشی برینداربووە.
بەڕێوەبەرایەتیی گشتیی پۆلیسی ڕاپەڕین ڕایگەیاند، ڕووداوەکە لەجۆری وەرگەڕان بووە و لەسەر ڕێگای سەرەکیی چوارقوڕنە – هیزۆپ ڕوویداوە.
لە ڕووداوەکەدا ژنێک بەناوی (ب، خ، م)، کە پیشەی مامۆستایە لە زانکۆی ڕاپەڕین و لەدایکبووی 1988ـە، دانیشتووی گەڕەکی زانکۆی قەزای ڕانیەیە گیانیلەدەستدا.
هەر لەو ڕووداوەدا منداڵەکەی بەناوی (هــ، ح) برینداربووە.
پۆلیسی ڕاپەڕین ئاماژەی بەوەکردووە، پەڕاوی لێکۆڵینەوە بۆ ڕووداوەکە کراوەتەوە و لێکۆڵینەوە لێی بەردەوامە.
