هەردوو وەفدی دانوستانکاری ئەمریکا و ئۆکرانیا گەیشتوونەتە شاری جەددەی عەرەبستانی سعودی و بڕیارە هەر ئەمڕۆ گفتوگۆکانیان دەستپێبکەن.
شەوی رابردوو ڤلۆدمێر زلێنسکی سەرۆکی ئۆکرانیا وەک سەرۆکی وەفدی وڵاتەکەی گەیشتە سعودیە و لەلایەن محەمەد بن سەلمان شازادەی جێنشینی وڵاتەکە پێشوازی لێکرا.
زلێنسکی رایگەیاند، ئامادەی گفتوگۆیەکی بونیادنەرانەین، هیوادارین لەسەر هەنگاوە پێویستەکان رێکبکەوین و بڕیار بدەین.
ئاشکراشیکرد، خۆی بەشداریی راستەوخۆی دانوستانەکان ناکات.
لە لایەنی ئەمریکییەوە مارک رۆبیۆ وەزیری دەرەوەی وڵاتەکە گەیشتە جەددە و رایگەیاند، ئاشتی بەدینایات ئەگەر هەردوو لایەن سازش نەکەن.
بڕیارە لە دانوستانەکانی جەددە، نوێنەرانی ئەمریکا پێشنیارێک بۆ ئاگربەستی نیمچەیی لەنێوان روسیا و ئۆکرانیا بخەنەڕوو.
