رێکخراوی نەتەوە یەکگرتووەکان لە راپۆرتێکدا رایگەیاند، زیرەکیی دەستکرد مەودای نێوان دەوڵەتە پێشکەوتووەکان و دەوڵەتە تازە گەشەسەندووەکان زیاتر دەکات.
رێکخراوی نەتەوە یەکگرتووەکان لە راپۆرتێکدا بڵاویکردەوە، ئەگەر وڵاتانی جیهان، بە وریاییەوە زیرەکیی دەستکرد بەکارنەهێنن، ئەوا دەبێتە هۆکارێک بۆ دروستبوونی سەردەمێکی نوێ لە نایەکسانی لەنێوان وڵاتانی جیهاندا.
ئاماژەی بەوەشکرد، زیرەکیی دەستکرد مەودای نێوان وكاتە دەوڵەمەند و هەژارەکان زیاتردەکات، چونکە سیستمەکە بەشێوازێکی نایەکسان بڵاوبووەتەوە، ئەو وڵاتانەی لە رووی ژێرخانی تەکنەلۆجیەوە لەدواوەن، لەژێر مەترسی ئەوەدان زیاتر دوابکەون.
روونیشیکردەوە،،ئەم تەکنەلۆجیایە دەکرێت دەرفەتێکی ئابوری باشتر بۆ وڵاتان بڕەخسێنێت، بەڵام بەو مەرجەی بە یەکسانی بەکاربهێنرێت.
