بەهۆی ڕووداوێکی هاتوچۆ لە گەرمیان کەسێک برینداربوو و ڕەوانەی نەخۆشخانە کرا.
بەڕێوەبەرایەتیی هاتوچۆی گەرمیان بڵاویکردەوە، ئێوارەی ئەمڕۆ تەنکەرێکی سوتەمەنی لە گوندی ئاوەخێری، بە ئاڕاستەی کەلار هاتووە، کۆنترۆڵی لەدەستداوە و بەهۆیەوە شۆفێرەکەی لەدایک بووی ١٩٩٠ برینداربووە.
ئاماژەی بەوەشکرد، بریندارەکە ڕەوانەی نەخۆشخانەی شەهید مەلا ئەحمەد کەلاری کرا لەناحیەی باوەنور و لێکۆڵینەوە لە ڕووداوەکە دەستیپێکردووە بۆ زانینی هۆکار و چۆنیەتیی ڕووداوەکە.
