وادەی قەدەغەکردنی راوە ماسی لە هەرێمی کوردستان راگەیەندرا و ماوەی سێ مانگ دەخایەنێت.
وەزارەتی کشتوکاڵ و سەرچاوە ئاوییەکانی حکومەتی هەرێم رایگەیاند، بڕیاردرا بە قەدەغەکردنی راوە ماسی لە هەرێمی کوردستاندا لە رۆژی 20ی ئەم مانگەدا تاوەکو 20ی مانگی حوزەیران.
ئاماژەی بەوەشدا، راوکردن بە رێگاکانی: کارەبا و ماددەی ژەهراوی و ماددە تەقەمەنییەکان و تۆڕی (کوون ورد) کە ببنە هۆی لەناوبردنی زیندەوەرە ئاوییەکان بە هەموو شێوەیەک قەدەغەیە.
ئەوەشی خستەڕوو، بڕیارەکە لە پێناو پاراستی سامانی ماسیدایە لە هەرێمی کوردستادا و سەرجەم دامەزراوە پەیوەندیدارەکان ئاگادارکراونەتەوە کە رێکاری پێویستی کارگێڕی و یاسایی بگرنەبەر.
