بریکاری وەزارەتی نەوتی عێراق رایگەیاند، چاوەڕێی بڕیاری هەرێمین لەبارەی وادەی دەستپێکردنەوەی هەناردەی نەوت.
باسم محەمەد خزیر بریکاری وەزارەتی نەوتی عێراق رایگەیاند، لەدوای تەواوبوونی پشکنینی بۆرییە نەوتەکانی هەرێم، تورکیا بە شێوەیەکی رەسمی ئامادەیی بۆ هەناردەکردنی نەوتی هەرێم لە بەندەری جەیهانەوە دەربڕیوە.
ئاماژەی بەوەشکرد، وەزارەتی نەوت سەرجەم پابەندییەکانی خۆی بەجێهێناوە، چاوەڕێی رەزامەندی هەرێمە بۆ ئەو وادەیەی بۆ دەستپێکردنەوەی هەناردەی نەوت دیاریکراوە.
بڕیارە لە سەرەتادا رۆژانە 185 هەزار بەرمیل نەوتی هەرێمی کوردستان هەناردەبکرێت، دواتر و بەپێی ئەو بڕەی لە بودجەی گشتیدا دیاریکراوە، رێژەکەی بەرزدەکرێتەوە.
