سۆران داودی نووسەر و رۆژنامەنووس لە نووسینێكیدا دەڵێت، “هەڵوێستی سەرۆك بافڵ سەبارەت بە برایەتیی نێوان كورد و تورك گرنگییەكی ستراتیژی هەیە”.
باسی لەوەش كردووە، قسەكانی سەرۆك بافڵ جەلال تاڵەبانی سەبارەت بە پەیامەكەی عەبدوڵا ئۆجەلان لە چەندین رووەوە گرنگی و بایەخی تایبەتی هەیە و دەكرێت بڵێین بەم هەڵوێستە لە ساتەوەختێك دەرچووە بووەتە هەڵوێستێك كە رەنگدانەوەی قووڵی ستراتیژیی سیاسیی یەكێتی نیشتمانیی كوردستانە.
دەشڵێت، “سەرۆك بافل بە راشكاوی ئاماژەی بەوە كرد ئەم هەنگاوە درێژەپێدانی رێبازی مام جەلالە كە لە ساڵی 1993 بەردی بناغەكەی داناوە. ئەمە لە راستیدا وەبیرهێنانەوەیەكی مێژوویی رۆڵی یەكێتی نیشتمانیی كوردستانە كە خاوەنی ستراتیژیەتێكی درێژخایەنە لە مامەڵەكردن لەگەڵ پرسە چارەنووسسازە نەتەوەییەكان و لەم سۆنگەیەوە هەڵوێستی ئێستای سەرۆك بافڵ پەیوەست نییە بە بارودۆخێكی كاتی، بەڵكو بەردەوامبوونی هەمان رێبازە كە زیاتر لە سێ دەیەیە یەكێتی لەسەری دەڕوات”
سۆران داودی راشیگەیاندووە، سەرۆك بافڵ جەختیكردووەتەوە كە یەكێتی پشتیوانیكردن لەم پەیامە وەك “ئەركێكی نەتەوەیی بەرپرسیار دەبینێت و ئەم دەستەواژەیە لە قسەكانی سەرۆك بافڵدا زۆر بە وردیی هەڵبژێردراوە و دەریدەخات كە یەكێتی نیشتمانی كوردستان پرسی ئاشتی و دیالۆگ تەنها وەك پرسێكی حزبی نابینێت، بەڵكو وەك یٔەركێكی نەتەوەیی سەیری دەكات كە دەبێت بەرپرسیارانە مامەڵەی لەگەڵدا بكرێت و ئەمە هەروەها پەیامێكە بۆ هەموو لایەنەكان كە لە ئاستی بەرپرسیارێتیی مێژوویی خۆیان بن لەم قۆناغە هەستیارەدا.
ئەوەشیخستەڕوو، كاتێك سەرۆك بافڵ ئەم پەیامە وەك “سەرەتا و قۆناغێكی گرنگ” پێناسە دەكات، یئەمە مانای ئەوەیە كە ئەم پەیامە بە خاڵێكی وەرچەرخان دەبینێت لە پڕۆسەی ئاشتیدا بێگومان، سەرۆك بافڵ بە هەموو شێوەیەك ئاگادارە كە پڕۆسەی ئاشتی رێگایەكی درێژ و دژوارە، بەڵام لەگەڵ ئەوەشدا، یٔەو بە دڵنیاییەوە دەبینێت كە یٔەمە هەنگاوێكی گرنگە لەو ئاراستەیەدا و یەكێتی ئامادەیە بۆ ئەوەی بەشداری كارا بكات لە دروستكردنی یٔەم قۆناغە نوێیە.
دەشڵێت، هەڵوێستی سەرۆك بافڵ سەبارەت بە پێشبردنی “گیانی پێكەوەیی و برایەتی لە نێوان كورد و تورك” گرنگییەكی ستراتیژی هەیە و ئەمە تەنها دروشمێكی سیاسی نییە، بەڵكو روانگەیەكی ستراتیژییە كە یەكێتیی نیشتمانیی كوردستان باوەڕی پێی هەیە و لەم روانگەیەوە، ئاشتیی نێوان كورد و تورك تەنها لە بەرژەوەندیی ئەم دوو نەتەوەیەدا نییە، بەڵكو كاریگەری راستەوخۆی لەسەر سەقامگیری و ئاشتی تەواوی ناوچەكە هەیە و گۆڕینی دۆخی ناكۆكی بۆ دۆخی هاوكاری و برایەتی دەرفەتی گەشەی ئابوری و كۆمەڵایەتی دەڕەخسێنێت كە هەموو گەلانی ناوچەكە سوودی لێدەبینن.
جەختیكردەوە و وتیشی، “سەرۆك بافڵ هیوای خواست كە “ئەم دەرفەتە مێژووییە لەدەست نەچێت”، كە ئەمەش نیشاندەری درككردنی هەستیاریی قۆناغەكە و دەگمەنی ئەم جۆرە دەرفەتانەیە و ئەو بە روونی دەزانێت كە ئەم جۆرە دەرفەتانە زۆر بە دەگمەن لە مێژوودا دێنە پێشەوە و پێویستە بە باشترین شێوە سوودیان لێوەربگیرێت و ئەم دەستەواژەیە هەروەها هۆشداریدانێكە سەبارەت بە مەترسی دواخستن یان پشتگوێخستنی ئەم دەرفەتانە، چونكە هەر دەرفەتێك كە لەدەستبچێت، رەنگە بۆ ماوەیەكی درێژ دووبارە نەبێتەوە”.
نووسەر لە نووسینەكەیدا دەشڵێت، “پەرۆشی سەرۆك بافڵ بۆ ئەم پرسە، وەك خۆی ئاماژەی پێدا، لەوەوە سەرچاوە دەگرێت كە یەكێتیی نیشتمانیی كوردستان هەمیشە لەگەڵ ئاشتی و چارەسەری ئاشتییانەی كێشەكان بووە و ئەمە یٔەو سیاسەتەیە كە یەكێتی لە سەرەتای دامەزراندنیەوە گرتوویەتیە بەر و بەردەوام بووە تێیدا و لەم ڕوانگەیەوە، هەڵوێستی سەرۆك بافل درێژەپێدانی سیاسەتی دێرینی یەكێتییە كە لەسەر بنەمای دیالۆگ، ئاشتی و پێكەوەژیان بوونیادنراوە”.
راشیگەیاندووە، بێگومان، قسەكانی سەرۆك بافڵ جەلال تاڵەبانی گرنگییەكی سیاسی، مێژوویی و ستراتیژی هەیە و ئەو نەك تەنها وەك سەرۆكی یەكێتیی نیشتمانی كوردستان، بەڵكو وەك كەسایەتییەكی سیاسی خاوەنپێگە لە ئاستی كوردستان و ناوچەكەدا، پەیامێكی ئیجابی دەدات بۆ هەموو لایەنەكان. لەم قۆناغە هەستیارەدا، هەڵوێستی سەرۆك بافڵ دەتوانێت كاریگەری ئەرێنی لەسەر ئاراستەی رووداوەكان هەبێت و ببێتە هاندەرێك بۆ گەیشتن بە ئاشتییەكی درێژخایەن و سەقامگیر.
لە كۆتاییدا دەشڵێت، گرنگی قسەكانی سەرۆك بافڵ تاڵەبانی لەوەدایە كە یٔەو نەك تەنها پێشوازی لە پەیامەكەی ئۆجەلان دەكات، بەڵكو بە ڕوونی ئاماژە بە بەرپرسیارێتیی هەموو لایەنەكان دەكات بۆ قۆستنەوەی یٔەم دەرفەتە مێژووییە و ئەو پەیامەكەی ئۆجەلان وەك سەرەتایەك دەبینێت، سەرەتایەك كە دەكرێت ببێتە بەردی بناغەی داهاتوویەكی گەشتر بۆ هەموو لایەك ئەگەر بە بەرپرسیارێتییەوە مامەڵەی لەگەڵدا بكرێت.
