سەرۆكایەتیی شارەوانیی سلێمانی رایدەگەیەنێت، كۆبوونەوەیەكی تایبەت بە مەبەستی دابەشكردنی زەوی بەسەر فەرمانبەراندا رێكخرا و كە تایبەت بوو بە كەمكوڕییەكان بەمەبەستی خێراكردنی پڕۆسەی دابەشكردنی زەوی بەسەر فەرمانبەراندا.
بەپێی راگەیەندراوێكی سەرۆكایەتیی شارەوانیی سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە، ئەمڕۆ سەرۆكی شارەوانیی سلێمانی، لەگەڵ لیژنەی ئامادەكاریی بۆ پڕۆسەی دابەشكردنی زەوی بەسەر فەرمانبەرانی سنووری شارەوانیی سلێمانی کۆبووەوە.
لە راگەیەندراوەكەدا هاتووە، كۆبوونەوەكە تایبەت بوو بە تاوتوێكردن و بەدواداچوونی ئەو كەموكورتییانەی كە لە پڕۆسەكەدا هەیە ئەویش پەیوەندی بە فەرمانگە پەیوەندیدارەكانەوە هەیە و هەروەها پێداویستییەكان و بودجە و ستاف كە داواكرابوون تائێستا ڕەزامەندییان نەگەڕاوەتەوە تا بتوانرێت پڕۆسەكە خێراتربكرێت.
