وتەبێژی وەزارەتی ئەوقاف رایگەیاند، سبەی شەو بەراتە.
نەبەز ئیسماعیل وتەبێژی وەزارەتی ئەوقاف و کاروباری ئاینی هەرێم بە تۆڕی میدیایی ئێستای راگەیاند، ئێوارەی رۆژی پێنجشەممە کە دەکاتە 14 لەسەر 15 ی مانگی شەعبان بە شەوی بەرات لە هەرێمی کوردستان ناسراوە.
شەوی بەرات، لە هەرێمی کوردستان زیاتر وەک بۆنەیەکی کۆمەڵایەتیی ناسراوە، چونکە هیچ چالاکییەکی ئاینی تێدابەڕێوەناچێت.
لە سنووری پارێزگای سلێمانی وەک نەریتێک منداڵان لە شەوی بەراتدا بە ماڵاندا دەگەڕێن و نوقڵ و شیرینی کۆدەکەنەوە.
