گەنجێکی تەمەن 21 ساڵان لە رووباری خابووردا خنکا.
بەڕێوەبەرایەتیی بەرگریی شارستانیی زاخۆ، لە راگەیەندراوێکدا بڵاویکردەوە، ئێوارەی ئەمڕۆ ئاگادارکراینەوە کە لە رووباری خابوور و لەنێوان گوندەکانی (خرابابکێ و چەمسیرمو) گەنجێکی تەمەن 21 ساڵان خنکا.
بەپێی راگەیەندراوەکە، گەنجە خنکاوەکە خەڵکی شەنگالە و ئاوارەی کەمپی چەمشکۆ- یە.
ئاماژە بەوەش دەکات، تەرمی گەنجەکە لەلایەن تیمەکانی بەرگریی شارستانییەوە دۆزراوەتەوە و رەوانەی پزیشکی دادوەری کراوە.
