لە کاتی پەخشی راستەوخۆدا لەناو دەزگای میدیایی لوبنان (LBCI) دەنگی تەقینەوەیەک بیسترا، بەپێی لێکۆڵینەوە سەرەتاییەکان هۆکارەکەی بۆمبێک بووە کە لەلایەن دوو کەسەوە فڕێدراوە.
بۆمبەکە لە شوێنی وەستانی ئۆتۆمبێلەکانی کەناڵەکە تەقیوەتەوە و زیانەکانی تەنها ماددی بوون.
دەزگای پەخشی لوبنان رایگەیاندووە، کە جەختدەکەنەوە لەوەی دەنگێک بن بۆ ئازادی و بەرگریکردن لە لوبنان.
بەپێی لێکۆڵینەوە سەرەتاییەکان کە کەناڵەکە ئەنجامیداوە، هۆکاری ئەو هێرشە بەرنامەیەکی کۆمیدی بووە بەناوی “تعا قلو بيزعل” کە لەوکاتەدا لە پەخشی راستەوخۆدابووە و دوو لە پێشکەشکەران و ئامادەکارانی بەرنامەکە باسیان لەوەکردووە هەڕەشەی هێرش و کوشتنیان لێکردوون.
