ئەندامێکی لیژنەی دارایی ئەنجومەنی نوێنەران دڵنیایی دەدات، هیچ مەترسییەک بۆ مووچەی فەرمانبەران لەئارادا نییە و لە کاتی خۆیدا دابەشدەکرێت.
ئەمڕۆ سێشەممە، موعین کازمی، ئەندامی لیژنەی دارایی ئەنجومەنی نوێنەرانی عێراق لە لێدوانێکدا رایگەیاند، مووچەی سەرجەم مانگەکان زامنکراوە و هیچ مەترسییەک لەسەر دواکەوتنی یاخود نەبوونی نەختینە نییە.
وتیشی، ئەو دەنگۆیانەی باس لە بوونی گرفت و نەبوونی پارە یان راگرتنی مووچە دەكەن، راست نین، چونكە مووچە گرەنتیی كراوە و لەکاتی خۆیدا دابەشدەکرێت.
بڕیارە حکومەتی عێراق مووچەی 12 مانگی ئەمساڵ لە وادەی خۆیدا بنێرێت، بەو مەرجەی حکومەتی هەرێمی کوردستان پابەندی ئەو مەرج و یاسایانە بێت کە لە ناوەڕۆکی رێککەوتنی نێوان هەردوولا، باسیان لێوەکراوە.
