نرخی نەوت لە بازاڕەکانی جیهاندا، ئەمڕۆ پێنجشەممە 21ی کانونی دووەم دابەزی ئەمەش بۆ بەرزبوونەوەی یەدەگی خاوی ئەمریکاوە بەشێوەیەکی چاوەڕواننەکراو، هەروەها هۆکارێکی دیکەی دەگەڕێتەوە بۆ ترس لە ڕێکارەکانی پەیوەست بە کۆرۆنا و کەمبوونەوەی خواست لەسەر نەوت.
ئەمڕۆ نرخی بەرمیلێک نەوتی خاوی برێنت 26 سەنت و بەڕێژەی %0.5 دابەزی و نرخەکەی گەیشتە 55.82 دۆلار.
هەروەها نەوتی خاوی تەکساس نرخەکەی 27 سەنت و بەڕێژەی %0.5 دابەزی و گەیشتە 53.04 دۆلار.
بەپێی ڕاگەیەنراوەکانی پەیمانگای پەترۆڵی ئەمریکی، یەدەگی نەوتی خاوی ئەمریکی 2.6 ملیۆن بەرمیل لە هەفتەیەکدا زیادیکردووە، لەکاتێکدا شیکەرەوەکانی بازاڕی نەوت و وزە پێشبینی دابەزینی یەدەگی نەوتی ئەمریکییان دەکرد بە بڕی 1.2 ملیۆن بەرمیل.
